ინტერიერი, ექსტერიერი, დიზაინი ყველანაერი გემოვნებისათვის

       პატარა ბინაში არ უნდა იყოს არანაერი ზედმეტი ნივთი, აქ წვრილმან დეტალებამდე ყველაფერი მოფიქრებული უნდა იყოს წინასწარ. ამიტომაც ნუ იყიდით ზედმეტ ავეჯს, წინააღმდეგ შემთხვევაში ოთახში იქნება უწესრიგობის შეგრძნება. 

     ერთოთახიან ბინაში ყველაზი დიდ პრობლემას და დისკომფორტს ქმნის საწოლი ოთახის არ ქონა. სადაც თქვენ დაღლილობისას, ან შეუძლოდ ყოფნის დროს დაისვენებთ. ეს იქნებოდა აგრეთვე ადგილი სადაც შეძლებდით ტანსაცმლის გამოცლას. შექმენით თუნდაც საძინებელი ზონა. ყველაზე მარტივი ხერხი იქნება "საძინებელი ოთახის" გამოყობა  მსუბუქი ტიხარით, გასაწევი მინის კარით ან თუნდაც ლამაზად შერჩეული ფარდით, როგორც ეს სურათებზეა ნაჩვენები. 

    კარგი იქნება თუ იყიდით ისეთ დივანს ან საწოლს, რომელიც იკეცება კარადაში. თუმცა მართალია თქვენ ამით ფართს მოიგებთ, მაგარ ეს დიდი დისკომფორტიცაა, ყოველდღე დივანის აკეცვა და გაშლა ეს საშინლად მომაბეზრებელი პროცესია (საკუთარი გამოცდილებიდან ვამბობ) .  

    დიდი კომპიუტერის მაგიდა და თვით  კომპიუტერი ერთოთახიან ბინაში დაიკავებს ძალიან დიდ ადგილს. ასე რომ უმჯობესია შეიძინოთ ნოუთბუქი, რომელსაც გამოყენების შემდეგ შემოდებთ თაროზე ან შეინახავთ სადმე. 

   ჩემი რჩევაა ნუ იყიდით კარადა-კედელს ("სტენკა"), მიუხედავად იმისა, რომ ის ძალიან პრაქტიკულია პატარა ბინისათვის და მასში შეინახავთ მთელს თქვენს "ავლა-დიდებას", ის ძალიან აპატარავებს და გაჭედავს ჩვენებური ტიპიური ერთოთახიანი ბინის ოთახს. 

  და ბოლოს ნახეთ კატეგორია, რომელსაც მე "თბილისური ნოუჰაუ" დავარქვი , ეს ყველაზე კარგი გამოსავალია პატარა სივცის ოპტიმალურად გამოყენების.