ინტერიერი, ექსტერიერი, დიზაინი ყველანაერი გემოვნებისათვის
მთავარი » 2013 ივნისი 20 » როგორ მოვაწყოთ სასტუმრო ოთახში
7:43 PM როგორ მოვაწყოთ სასტუმრო ოთახში | |
   თუ ტყავის ავეჯის ყიდვა გადაწყვიტეთ, დაიმახსოვრეთ ის უნდა იყოს ყავისფერი , შავი ან თეთრი. ნუ შეარჩევთ წითელი, იასამნისფერი, ყვითელი, ცისფერი და ა. შ. ფერის ტყავს. რისი უზარმაზარი არჩევანიცაა თბილისში, ისინი არ გამოიყურება ლამაზად.  აი ასეთი მაქვს მხედველობაში ვიმეორებ თუ თქვენ მაინც გსურთ მკვეთრი ფერის ავეჯი , საჭიროა ყველაფრის დაბალანსება და დიაზაინერის რჩევა. ყველაფერი უნდა იყოს აი ამ ფორმით:  უმჯობესია ოთახში იყოს ერთი რაიმე დეტალი ასეთი "მყვირალა" ფერის, მაგალითად წითელი ლარნაკი ჟურნალის მაგიდაზე, ან მოდიდო სურათი სადაც დომინირებს ასეთი ფერები, ან თუნდაც რამდენიმე ბალიში დივანსა და სავრძლებზე, ან ტორშერი. თუმცა რა თქმა უნდა ეს ფერი არ უნდა დომინირებდეს ოთახში. ეს საკმარისი იქნება იმისათვის, რომ გამოცოცხლდეს და შეივსოს თქვენი სასტუმრო ოთახი. ერთადერთი ფერი რომლის ერთფეროვნება შეგვიძლია დაუშვათ სახლში ეს თეთრია, ოდნავ შავი ელემენტებით. ამ ფერების თანხვედრა საკმაოდ საინტერესო შედეგს იძლევა. თუმცა ეს საკმაოდ "გამბედავი" გადაწყვეტილებაა და თან ყოველდღიურობაში არაპრაქტიკული, ის ადვილად იკიდებს ჭუჭყს. ამაზე ცალკე კატეგორია მაქვს , იხილეთ "შავ–თეთრი ინტერიერი".   რაც შეეხება ავეჯს... უკაცრავად, რამდენი წლის ბრძანდებით? ეს კითხვა შემთხვევით არ დავსვი, ვინაიდან ახალგაზრდები უმეტესად ამჯობინებენ მოდერნის სტილის თანამედროვე ავეჯს, ხოლო ასაკოვანი თაობა კლასიკური სტილის ავეჯს, ორნამენტებით, ჩუქურთმებით და ა.შ. თუმცა ესეც გემოვნებაზეა დამოკიდებული და შესაძლებელია ზოგ შემთხვევაში ყველაფერი პირიქითაც ხდებოდეს. შედარებისთვის:   დაიმახსოვრეთ მასიურო ავეჯი ჩუქურთმებით, სხვადასხვა ფორმებით არის ძალიან დიდი სივრცის ფართო ბინებისა თუ ინდივიდუალურად ნაშენი სახლებისათვის. სტანდარტულ ბინებში მისი დადგმა არ შეიძლება. ნუ გადატვირთავთ ოთახს, 20-25 კვადრატულ მეტრამდე ფართობის ოთახში საკმარისია იდგეს სამეული თავისი ჟურნალის მაგიდით და აპარატურიდან მხოლოდ ტელევიზორი და DVD. შეიძლება რაიმე ერთი არამასიური საშუალო ზომის დეტალი, ვიწრო ფორმის სერვანდი, კომოდი-ტუმბო ან დაუშვათ მოდიდო ზომის აკვარიუმი. ამ ფართობზე უფრო დიდი ზომის ოთახში შეგიძლიათ დადგათ სასადილო მაგიდაც თავისი სკამებით. აირჩიეთ მოდიდო ზომის, ფართო ჟურნალის მაგიდა, ვინაიდან ის უფრო პრაქტიკულია სტუმრების მოსვლისას, თქვენ აქვე შეგიძლიათ მსუბუქად "ტკბილი" მაგიდით გაუმასპინძლეთ მათ. გაამხიარულეთ და შეავსეთ ოთახი აგრეთვე აქსესუარებით, სურათებით, სვადასხვა ლარნაკებით, ტორშერით. ოთახს სულ სხვა იერს აძლევს მკვეთრი ფერის ბალიშებიც  დაკიდეთ დიდი დეკორატიული საათი კედელზე. რაც უფრო დიდი იქნება მიკთ უკეთესი. ის ძალიან უხდება ოთახს (ხო მართლა, ასეთი საათები შემხვდა ბათუმში, სტალინის ქუჩაზე, ტელევიზიის პირდაპირ მდებარე სუვენირების მაღაზიაში, ისეთია პერიოდია, რომ ბევრი მოხვდებით იქ :))   მცენარეები და ყვავილები ძალიან უხდება ოთახს, მაგრამ ნუ გადატვირთავთ მას და დაამსგავსებთ ორანჟერეას. არ არის საჭირო ასეთი რამის დადგმა ან კედელზე დაკიდება: ოთახს უხდება თაროები და ზედ დალაგებული სხვადასხვა ლამაზი ნივთები. ასეთი დეტალები ავსებს ოთახს, უფრო ალამაზებს და კომფორტულს ხდის მას. თუმცა ამ საკითხშიც საჭიროა ზომიერება და მათი გემოვნებით შერჩევა. არაფერი ისე არ უხდება ოთახს, როგორც დიდი დიდი სურათი, როგორც ფერწერული ნახატი ასევე ფოტოსურათი. თუმცა შეგიძლიათ ოთახში ბევრი პატარა სურათებიც "მიმოფინოთ".   იყავით უფრო თამამი ავეჯის და აქსესუარების არჩევისას, შეგიძლიათ დადგათ სამეული სადაც, მაგალითად დივანი სხვა ფერის იქნება და სავარძელი კი განსხვავებული ფერის (თუნდაც ერთი წითელი, ეს იქნება სწორედ ის "პროვოკაციული" დეტალი, რაზედაც ზევით ვილაპარაკე) .                               | |
|
| |
| სულ კომენტარები: 1 | ||
| ||
| სექციის კატეგორიები | |||||||||||||||||
|
| თქვენი რეკლამა |
 |
| ძებნა |
| კალენდარი |
| ჩანაწერების არქივი |
| ჩვენი გამოკითხვა |
| სტატისტიკა |
სულ ონლაინში: 11 სტუმარი: 11 მომხმარებელი: 0 |