ინტერიერი, ექსტერიერი, დიზაინი ყველანაერი გემოვნებისათვის

მთავარი » 2013 » ივნისი » 20 » ტერასა თქვენს აგარაკზე

1:37 PM ტერასა თქვენს აგარაკზე
ტერასა ეს აუცილებელი დეტალია აგარაკზე. შეიძლება ითქვას უფრო მნიშვნელოვანი ვიდრე თვით ოთახები სააგარაკო სახლში, ვინაიდან უმეტეს დროს თქვენ სწორედ გარეთ ჰაერზე ამჯობინებთ ყოფნას. ტერასა შეიძლება იყოს როგორც ხის ასევე ბეტონის. სასურველია რომ ტერასა იყოს იმ მხარეს სადაც დიდი სივრცე და ლამაზი ხედი იშლება: ტყე, მდინარე, ზღვა. ლამაზი პარკი, ბაღი. მნიშვნელოვანია ეს კუთხე გვქონდეს მოწყობილი კომფორტულად და ლამაზად, სადაც ჩვენ კარგად ვიგრძნობთ თავს. იყიდება უამრავი ავეჯი რა სპეციალურად დამზადებულია ასეთი სივრცისათვის. ტერასას ძალიან უხდება დაბწნილი და ბამბუკისაგან დამზადებული ავეჯი. აგრეთვე მეტალის ორნამენტებიანი ავეჯი, რომელთა არჩევანიც ფართოდაა თბილისში ("ჩემი სახლი", "პაპილონი" და სხვა). შეგიძლიათ უბრალოდ პლასტმასის მაგიდისა და სკამების დალაგება. ეს უფრო იაფი დაგიჯდებათ. სასურველია იყოს მუქი მწვანე ეს ფერი კარგად ერწყმის აგარაკი ლანდშაფტს და საერთო გარემოს. მოაწყვეთ აქვე სასადილო კუთხე მაგიდით და სკამებით, სადაც სუფთა ჰაერზე ისადილებთ ხოლმე თქვენ და თქვენი ოჯახის წევრები. გაალამაზეთ ტერასა რა შეიძლება მეტი ქოთნის მცენარეებით, ლამაზი ყვავილებით და სხვადასხვა დეკორატიული აქსესუარებით. ჩამოკიდეთ ქოთნები ტერასის მოაჯირებზეც. ტერასას ძალიან უხდება ლამპიონები. დაკიდეთ ისინი კედლებზე, ჭერზე და ის შეავსებს ინტერიერს. ტერასაზე შეგიძლიათ დადგათ საქანელა დივანი.
1 2 3 4 5 კატეგორია: აგარაკი \| ნანახია: 3394 \| დაამატა: iftuka \| რეიტინგი: 5.0/2